Ar y dudalen hon, gwelwch ddolenni sy’n eich arwain at newyddion a gwybodaeth am y Ffliw Moch gan y Gwasanaeth Iechyd Cenedlaethol yng Nghymru, Llywodraeth Cynulliad Cymru a’r Asiantaeth Gwarchod Iechyd.
Dolen gyswllt i wefan Health Protection Agency
Gwasanaeth Gwybodaeth Iechyd Cymru – erthygl yn Saesneg yn unig
Mae rhoddion gwirfoddol yn gyfraniad pwysig at gynnal Eglwysi, Capeli a chyfleusterau cymunedol eraill, megis y papur newydd hwn a’r Neuadd. Yn yr amserau cyfyngedig hyn, mae’n gysur o wybod ein bod yn byw mewn cymuned lle mae pobl yn dal i fod yn barod i fynd i’w pocedi. Fodd bynnag, wrth i gostau rhedeg gynyddu, rhaid codi symiau mwy – efallai’r unig ateb fydd i feddwl am godi arian ar y cyd ar gyfer holl gyfleusterau’r pentref. Mae’r Ocsiwn a gynhelir ar Ddydd Sadwrn 9fed o Fai yn enghraifft dda o sut y gellir codi arian ar y cyd i’w dosbarthu wedyn. Os oes gan unrhyw un syniadau eraill am ffyrdd eraill o godi arian ar y cyd, cysylltwch â’r Bont os gwelwch yn dda.
Mae mynediad am ddim i’r sesiwn arddangos (o 11am ymlaen) ac i’r Ocsiwn ei hun (o 2pm ymlaen).
Chwiliwch o gwmpas eich tŷ neu’ch gardd i weld a oes ’na unrhyw beth y gallwch ei gyfrannu at yr Ocsiwn – efallai byddai’r hyn nad ydych ei eisiau bellach yn berffaith i rywun arall.
Cynhaliwyd cyfarfod Ddydd Llun, 30ain o Fawrth
i roi gwybod i’r gymuned am yr argyfwng ariannol
sy’n bygwth yr Eglwys, fel nifer o eglwysi bach yng
Nghymru. Mae cymorth ariannol ar gyfer Eglwysi
wedi lleihau’n raddol dros nifer o flynyddoedd, a bydd
yn darfod yn gyfan gwbl yn ystod y flwyddyn ariannol
hon. O ganlyniad, mae’r Eglwys yng Nghymru yn
gofyn i bob plwyf dalu Cyfran fwy; amcangyfrifir y
bydd hon yn £7000 y flwyddyn ar gyfer Carrog erbyn
2010. Ynghyd â chostau cynyddol gwasanaethau
cyhoeddus, mae’n golygu y bydd angen tua £10,000 y
flwyddyn i gynnal Llansanffraid.
Mae cynnydd cyson mewn rhoddion rheolaidd yn
mynd ochr yn ochr â gostyngiad cyson mewn cyllid o
weithgareddau codi arian. Tynnwyd sylw at y ffaith nad
yw codi arian tymor byr yn ateb i’r argyfwng ariannol,
ac yn wir, mae’n peryglu pellhau’r Eglwys oddi wrth
y gymuned. Rhaid wrth ariannu tymor hir, cynaliadwy
i alluogi’r Eglwys i aros ar agor, ac yn ogystal â
rhoi gwybod i’r gymuned am y problemau i ddod,
gofynnodd y cyfarfod am syniadau am atebion tymor
hir. Un awgrym oedd cynnal Gŵyl Flynyddol.
Cynhaliodd Cynrychiolwyr y Cyngor Sir fforwm ym Mhafiliwn Chwaraeon Corwen gyda’r nos ar 2ail o Ebrill i drafod gwasanaethau cyhoeddus o fewn y gymuned.
Cafodd y sir ei rhannu yn chwe ardal: Dyffryn Dyfrdwy, Dinbych, Rhuthun, Y Rhyl, Prestatyn a Choridor yr A55, gyda datganiad o fwriad newydd. Cwmpasodd hwn 5 aes allweddol: Dinasyddion Sir Ddinbych, asedau, de a de-orllewin Y Rhyl, lefelau sgiliau ac integreiddio iechyd a gofal cymdeithasol.
Ymhlith y materion a drafodwyd oedd cyflwr gwael ffyrdd lleol, a pheryglon yr A5, yn arbennig troad Bonwm. Esboniodd cynrychiolydd Priffyrdd mai Cynulliad Cymru sy’n gyfrifol am y cefnffyrdd. Mae holl ffyrdd y sir yn cael eu harchwilio o leiaf ddwywaith y flwyddyn; golygodd y tywydd eleni bod nifer wedi dirywio’n sylweddol, gyda’r gost o lenwi tyllau’n fwy o lawer na gosod wyneb newydd. Mae nifer o ffyrdd wedi cael eu clustnodi ar gyfer gwaith cynnal yn ystod y flwyddyn ariannol hon.
Mae diffyg toiledau ynglŷn â golwg treuliedig rhai adeiladau ar hyd yr A5 yn cael effaith negyddol ar ymwelwyr yn ardal Corwen. Codwyd pellter y peiriant talu ac arddangos oddi wrth y lleoedd parcio i’r anabl ym maes parcio Green Lane, ynghyd â materion ynglŷn â thrwyddedau parcio blynyddol.
Cafodd y cynllun ailgylchu dwy fag a’r newidiadau i’r ddarpariaeth tipiau eu hesbonio. Soniwyd am y diffyg ymgynghori â’r cyhoedd, a ddaeth i’r amlwg pan gafwyd gwared ar y llyfrgell deithiol. Esboniwyd y byddai cwtogi ar wario’r Cyngor yn ystod y blynyddoedd i ddod; mae 80% o gyllid Sir Ddinbych yn dod o Gynulliad Cymru, gyda dim ond 20% yn cael ei godi trwy’r Dreth Gyngor.
Mae trigolion yn poeni am sut mae Asiantaeth yr Amgylchedd wedi rhestru rhan sylweddol o dir heb ei ddatblygu ynghanol y dref, sy’n orlifdir, yn arbennig oherwydd y ffordd y mae hyn wedi effeithio ar ddarparu Canolfan Iechyd newydd. Cytunodd cynrychiolwyr y Cyngor i adrodd yn ôl i’r Cynghorwr Huw Jones am y pryderon ynglŷn â’r materion a drafodwyd.
Sylwodd nifer o bobl ar y cyfathrebu gwael rhwng y Cyngor a’r cyhoedd; enghraifft o hyn oedd cyn lleied o bobl a oedd yn gwybod am y cyfarfod cyhoeddus hwn ac eraill. Mae cynrychiolwyr y Cyngor nawr yn ymwybodol o’r broblem hon ac maent yn addo delio â hi yn y dyfodol.
The Society
are having two field trips during the summer.
Friday 15th May Trip to Crogen, Llandrillo – meet 2pm at Crogen
Thursday 25th June Trip to Segontium and Caernarfon.
Coach leaves Corwen Car Park at 9am, returning approximately 6.00 to 6.30pm.
Booking is essential.
Please contact Valmai Webb on 430220
Mae pawb yng Ngharrog yn gyd-berchennog y Neuadd. Mae’n cael ei gweinyddu gan yr Ymddiriedolwyr, sy’n cael eu penodi o blith y gymuned, a’r Pwyllgor Rheoli.
Mae’r Pwyllgor Rheoli (Cadeirydd, Ysgrifennydd, Trysorydd a’u dirprwyon) yn cael eu hethol yn flynyddol gan bob aelod cymwys y gymuned.
Mae aelod cymwys o’r gymuned yn unrhyw un yn y gymuned sy’n mynychu cyfarfodydd y Pwyllgor yn rheolaidd.
Cyfyngir hawliau pleidleisio i’r rhai sy’n mynychu cyfarfodydd y Pwyllgor yn rheolaidd.
Rhedir y Neuadd yn ôl Cyfansoddiad sy’n ddogfen gyfreithiol.
Mae copïau o’r Cyfansoddiad a chofnodion pob cyfarfod ar gael i unrhyw un sydd â diddordeb.
Cynhelir y cyfarfod nesaf ar Nos Lun, 27ain Erill 2009 am 7.00 pm.
CODI ARIAN
Cofiwch Loteri’r Neuadd sydd bob amser yn croesawu aelodau newydd (cysylltwch â Dave ‘Manweb’ Jones).
Mae cystadleuaeth ‘Sgwariau’ ar gael yn y Grouse bob wythnos i godi arian at Y Bont.
Roedd Mr Farnon Hadfield-Jones, Uwch Arweinydd
Tîm, Gwasanaeth Ieuenctid Sir Ddinbych, yn bresennol
yng nghyfarfod diwethaf pwyllgor neuadd y pentref i esbonio
cynlluniau’r dyfodol i ddarparu clybiau ieuenctid.
Golygodd cyfyngiadau ariannol a gofynion cyfreithiol
eraill nad oedd yn bosibl parhau â threfniadau blaenorol
y clwb ieuenctid. Mae’r gwasanaeth ieuenctid nawr
yn cael ei arolygu gan ESTYN o dan y darpariaethau
ar gyfer dysgu gydol oes a sefydlwyd gan Lywodraeth
Cynulliad Cymru, sy’n gofyn am brawf o ansawdd da.
Collwyd arweinwyr cymwysedig, ac roedd yn anodd recriwtio
rhai newydd. Daethpwyd o hyd i Ariannu Craidd
am gyfnod o bum mlynedd o ffynonellau y tu allan i’r
Sir i ddarparu clwb ieuenctid teithiol – bws gyda chyfrifiadur
ac offer uwch-dechnoleg. Caiff hwn ei gyflwyno
yn ystod yr Haf 2009 wrth deithio o gwmpas y pentrefi
mewn tro.
Fe wyddys bod diddordeb mewn darpariaeth i bobl ifainc
a chyda chymorth oddi wrth CGGSDd bydd yn bosibl
hyfforddi gwirfoddolwyr i alluogi pentrefi i agor clybiau
ieuenctid eu hunain, ond ni fydd unrhyw gymorth ariannol
ar gael. Er mwyn sefydlu clwb ieuenctid gwirfoddol,
rhaid i arweinwyr gael y cymwysterau angenrheidiol ac
wedyn dod yn Ddarparwr Cyswllt i’r Ieuenctid. Bydd
yr yswiriant a’r costau eraill yn gofyn am gryn dipyn o
arian. Os bydd gan unrhyw un ddiddordeb mewn hyfforddi
fel gwirfoddolwr, cysylltwch â Mr Hadfield-Jones,
Gwasanaeth Ieuenctid Sir Ddinbych. Cytunodd Pwyllgor
Neuadd y Pentref i roi cymorth ariannol i unrhyw un sy’n
fodlon cael yr hyfforddiant i alluogi Clwb Ieuenctid i
ailagor yng Ngharrog.
Roedd y gwasanaeth hwn i fod i ddod i ben ar y 1af o Ebrill, ond mae wedi cael ei estyn; bydd yr ymweliad olaf â Charrog ar y 20fed o Fai.
Rydym yn gofyn am eich cymorth i ehangu archif y pentref
o hen ffotograffau a dogfennau, fel y rhai a oedd i’w
gweld yn ystod y penwythnos arddangos y llynedd.
Cysylltwch â ni pe bai gennych ddiddordeb mewn dweud
straeon o’r gorffennol; gallai hyn gynnwys atgofion o ysgol
Carrog, y chwarel, siopau’r pentref, dulliau ffermio’r
gorffennol, bywyd yn gyffredinol, ynghyd ag atgofion o
ddigwyddiadau’r pentref megis hen Sioe Carrog. Hoffwn
hefyd gopïo unrhyw hen ffotograffau neu ddogfennau
rydych yn dod o hyd iddynt. A oes gennych ffilmiau
teuluol sy’n dangos beth oedd pobl yn ei wisgo yn yr hen
ddyddiau, gweithgareddau neu wibdeithiau? Os cawn
fenthyg o hen ffilm gallwn drosglwyddo delweddau i
DVD a fydd yn rhan o archifau’r pentref.
Byddai unrhyw beth â chysylltiad ag Owain Glyndŵr yn
yr ardal hon o ddiddordeb arbennig.
Chwiliwch trwy eich hen luniau a chysylltwch â:
Sian Dolben 430335, Eric Lea 430259 neu Janice Hardie
430644 am sgwrs ynglŷn â’r prosiect.